DEMAM AKAN MELANDA DUNIA..

masa ani aku meliat channel 811@astro..australia vs new zealand.before atu japan vs south korea ,karang malam england vs mexico kali..kira-kira kasar tinggal 18 hari lagi world cup start.

bercerita pasal world cup ani ,seperti biasa semua orang(terutama laki-laki;bujang,urang kawin,paci-paci)akan menjadikan rancangan kegemaran bisduran ,and selama sebulan anitah karang tv urang nda pandai betutup(awal bini membuking,tengah malam sampai pagi laki membuking),jadi secara logik bulan jun ani banyak tah stok indo-mee dirumah,minuman kutak,kopi,kerupok dan lain-lain ,and akan banyaklah jua ata urang bangkung time keraja ni nanti sebab "qiamul lail"..

seperti world-cup yang lapas-lapas ,banyak urang sudah start meneka siapa yang jadi juara,and bagi penyokong-penyokong negara tertentu mengharapkan team yang disokong main dengan bagus. brazil,england,italy,france,spain(saja menyebut beberapa nama)antara favourite peminat bula dunia,ani yang siuknya world-cup!

bercerita pasal venue meliat bula nanti,kalau dulu time south korea&japan(2004 kah tu?)masa mainnya kira-kira 4-5 petang waktu negeri kitani,jadi nada masalah kalau kan meliat sama kawan-kawan dirumah atau dikadai. tapi kali ani jarak masa afrika dengan brunei kira-kira 6 jam,durang kick-off jam 19.30(kira-kira 1.30 pagi brunei), jadinya venue yang paling sesuai dirumah tah saja kali(dapat meliat pakai kain pelikat saja,hehe)

dalam tani bercerita tentang perlawanan bula atu,satu yang kitani selalu kaitkan ialah tentang custom yang dipakai oleh pemain-pemain(terutama pemain yang kana gilai). stupur, baju team,stail rambut and so on. ani pun jua antara yang menarik perhatian dunia ni nanti,lapas habis world-cup,banyak tia urang kekedai mencari stupur baru,baju team baru(walaupun harganya mahal)

apa yang penting,kitani inda salah untuk melihat world-cup,tapi jangan sampai mengabaikan yang lebih penting(solat,keraja,keluarga and so on) ,dan yang lebih penting jangan cemarkan piala dunia ani dengan jenayah(seperti betaruh,bekelai sebab team kalah).jangan sampai hukum bersukan atu bertukar dari harus kepada haram!

selamat menikmati piala dunia!